Shree Vyankatesh Stavan 2025 Update : श्री व्यंकटेश स्तवन
Shree Vyankatesh Stavan 2025 Update : श्री व्यंकटेश स्तवन
||श्री व्यंकटेश स्तवन||
Shree Vyankatesh Stavan
व्यंकटेश हे नाम चांगले|
म्हणुनी आवडी चित्त रंगले||
ध्यान मानसी लागली स्तुती |
पाव सत्वरे लक्ष्मीपती||१||
व्यंकटेश हे स्वामी राजसा|
पावसी मला हाच भरवसा||
क्षणोक्षणी तुझी मांडिली स्तुती|
पाव सत्वरे लक्ष्मीपती ||२||
व्यंकटेश हे कुलदैवता|
तुझी माऊली सद्गुरू पिता||
इष्ट मित्र तू धनाढय संपत्ती |
पाव सत्वरे लक्ष्मीपती||३||
व्यंकटेश हे तुज वेगळे|
दीन शीण तू दावि पाऊले||
विश्व चालका भाकितो किती|
पाव सत्वरे लक्ष्मीपती||४||
कमलजापती कमललोचना|
नाभिकमल ही भक्त दर्शना||
भक्त वत्सला ब्रीद साधती|
पाव सत्वरे लक्ष्मीपती||५||
दुष्ट दुर्मती दैत्य मारिले|
अपार संकटी भक्त तारिले||
आजि का तरी सांडिली रिती|
पाव सत्वरे लक्ष्मीपती||६||
ह्रदय फुटला कंठ दाटला|
म्हणुनी लोचनी पूर लोटला||
अजुनि अंत गा पाहसी किती|
पाव सत्वरे लक्ष्मीपती||७||
साधना तरी काय मी करू|
भक्ती कोणती सांग आचरू||
तीर्थे ही बहु हिंडलो क्षिती|
पाव सत्वरे लक्ष्मीपती||८||
लक्ष्मीपती छंद लागला|
स्वामी संकटी शीघ्र पावला||
भेट दीधली कृष्णजाप्रती|
पाव सत्वरे लक्ष्मीपती||९||
अरे व्यंकटेशा किती चाळविसी|
तुझी पादपद्मे कधी दाखविसी||
तुझ्या भेटी ची आस मोठी जिवाला|
कधी भेटसी व्यंकटेशा दयाळा||१०||
मुरारी जगन्नाथ नारायणा हो|
कृपासागराअच्युता माधवा हो||
मधुसूदना श्रीधरा भाग्यवंता|
नमस्कार माझा श्री व्यंकटेशा समर्था||११||
श्रीनिवासा गोविंदा!
श्री व्यंकटेशा गोविंदा!!
तिरूमलवासा गोविंदा!!!